Какие читать молитвы Иринарху Ростовскому от бессонницы, недугов, на сон

3 января 2019 в 14:31

Преподобный Иринарх Ростовский, живший в XVII столетии, в истории Русской православной церкви известен также как Иринарх Затворник. Прославился он не только христианскими деяниями и аскетическим образом жизни, в частности постоянным ношением железных вериг, но, в первую очередь, даром прозорливости, позволявшим ему предвидеть будущее. Ему молятся при разных недугах, особенно при бессоннице и одержимости нечистыми духами.

26 января — день памяти святого преподобного Иринарха, затворника Ростовского

Молитва от бессонницы Иринарху

О великий угодниче Христов, добропроизвольный страдальче, новопросиявый чудесы, отче наш Иринарше. Российстей земли удобрение, граду Ростову похвало, обители сей велие украшение и утверждение! Кто не удивится твоему самопроизвольному и долголетнему страдальческому терпению: тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюдже хижину вселился еси, яко адамант твердый, на невидимая бесовская полчища и видимая враги твоя терпением себе вооружив. Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящым во благо даже доднесь чудодействуеши. Мы же, недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся, скорый наш помощниче и теплый к Богу молитвенниче. Услыши убо и нас, грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы, недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.

Молитва Иринарху затворнику

О преподобне отче Иринарше! Се мы молим тя усердно: буди ходатай наш присный, испроси нам, рабам Божиим (имена), от Христа Бога мир, тишину, благоденствие, здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушений врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

Молитва преподобному Иринарху, затворнику Ростовскому

О предивный и преславный чудотворче, преподобне и достоблаженне отче Иринарше! Величающе труды твоя и болезни и прославляюще великое твое дерзновение ко Господу, тебе, яко отца чадолюбива, молим: ходатайствы твоими испроси нам у Господа, яже на пользу душам и телесем нашим: веру праву, надежду несомненну, любовь нелицемерну, во искушеиих мужество, в злостраданиих терпение, в благочестии преспеяния, и благословение свыше на вся благая дела и начинания наша. Испроси угодниче Христов у Всемогущаго Бога: страждущую страну Российскую от лютых безбожник и власти их да свободит, и да воставит престол православных царей: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Не забуди, чудотворче святый, милостивно присещати обитель твою, вся грады и веси страны нашея, сохраняя и соблюдая молитвами твоими от всякаго зла. Помяни всех, веру к тебе имущих и имя твое на помощь призывающих, и вся во благих прошения их милостивно исполни. Ей, святче Божий, не лиши и нас грешных твоего заступления, сподобляя нас кончину жития благую улучити и Царствия Небеснаго наследники быти, да воспоем и прославим дивнаго во святых своих Бога, Отца, и Сына и Святаго Духа, в безконечеыя веки веков. Аминь.

Молитва святому Иринарху

О великий угодниче Божий и преславный чудотворце, преподобне отче наш Иринарше! Призри на ны, грешныя, в скорбех и обстояниих наших усердно к тебе вопиющия и на тя по Бозе все упование наше возлагающий. Просим тя со умилением многим: твоим предстательством ко Господу Богу испроси нам мир, долгоденствие, братолюбие, земли плодоносие, воздуха благорастворения, дожди благовременны и свыше благословение на вся начинания наша благая. Избави же всех нас святыми твоими молитвами от всяких бед: глада, града, потопа, огня, меча, вредоноснаго червия, тлетворных ветров, смертоносныя язвы и напрасный смерти, и во всяких скорбех наших буди нам утешитель и помощник, сохраняя ны от падений греховных и сподобляя наследники быти Царствия Небеснаго, да прославляем вкупе с тобою всех благих Подателя, Триедйнаго Бога Отца, и Сына, и Святаго Духа во веки веков. Аминь.

Тропарь святителю Иринарху Ростовскому

Тропарь, глас 4

Яко мученика добропроизвольна и преподобных удобрение, звезду Ростовскую, в затворе, узах и веригах Господеви благоугодившаго и чудес благодать от Него приемшаго, Иринарха предивнаго песньми хвалебными почтим и, к нему припадающе, умильно глаголем: отче преподобне, моли Христа Бога спастися душам нашим.

Теперь вы знаете о том, какие читать молитвы Иринарху Ростовскому.

Оцените статью:
Рейтинг: 5 (Голосов: 13)

Комментарии

Добавить комментарий

Поля отмеченные * обязательны.

Если не можете разобрать код, нажмите на него. Картинка будет заменена.
 
ПРОВЕРЬТЕ СЕБЯ ОНЛАЙН

Загрузка...

ПОПУЛЯРНЫЕ ТЕСТЫ


ЧТО ПОЧИТАТЬ